baḌī choroñ ko āsānī hai mujh meñ
kisī andhe kī nigarānī hai mujh meñ
mirī āñkhoñ se bāhar jhāñktā hai
na-jāne kaun zindānī hai mujh meñ
dil-e-afsurda ne vo gul khilā.e
jahāñ tak dekhūñ vīrānī hai mujh meñ
bahut bechain rahtī hai mirī ruuh
use koī pareshānī hai mujh meñ
khulā ye raaz chashm-e-tar se mujh par
samundar se fuzūñ paanī hai mujh meñ
ḳhudā ko āzmā.ūñ lamha lamha
baḌī kāfir musalmānī hai mujh meñ