hamāre haq meñ duā karegā
vo ik na ik din vafā karegā
bichhaḌ gayā hai magar yaqīñ hai
kabhī kabhī vo milā karegā
tū apne āshiq ko saath rakh le
bichhaḌ gayā to nasha karegā
jo apnī hālat kā ḳhud sabab ho
vo kyā kisī se gilā karegā
agar ye duniyā ujaḌ ga.ī to
kabhī ye sochā hai kyā karegā
maiñ jāntā huuñ ki ik farishta
jo zindagī se rihā karegā
abhī tū shā.ir nahīñ hai 'rāv'
ḳhudā vo din bhī atā karegā