kaash maiñ tujh sā bevafā hotā
phir mujhe tujh se kyā gila hotā
ishq hotā hai kyā patā hotā
gar parindoñ se vāsta hotā
bol ke mujh se gar judā hotā
milne-julne kā silsila hotā
yuuñ ho ki ghar banā.eñ dīvāreñ
raat hote hī ghar gayā hotā
bevafā.ī kā surḳh rañg bhī hai
ishq meñ varna kyā maza hotā
ḳhud pe gar iḳhtiyār hotā to
duur maiñ tujh se jā chukā hotā
hisse meñ aatā sirf amīroñ ke
ishq paisoñ meñ gar bikā hotā