kyā zarūrī hai ab ye batānā mirā
TūTtī shāḳh par thā Thikānā mirā
ġham nahīñ ab milī haiñ jo tanhā.iyāñ
anjuman anjuman thā fasāna mirā
jo bhī aayā hadaf par vo kab bach sakā
cūktā hī nahīñ thā nishāna mirā
ik zamāna kabhī thā mirā ham-navā
tum ne dekhā kahāñ vo zamāna mirā
arz-e-bhopal se thā ta.alluq kabhī
ab to sab kuchh hai ye lāḌkāna mirā
nā-tavānī pe merī jo haiñ ḳhanda-zan
in ko album purānā dikhānā mirā
mere jaane se behtar hai 'mohsin' kabhī
bazm-e-sher-o-suḳhan meñ na jaanā mirā