Qurban Ali Salik Beg

nalan nahin kuchh tere sitam par

Qurban Ali Salik Beg

Hyderabad, Telangana, India

1824-1880

nālāñ nahīñ kuchh tire sitam par

aisī banī hai apne dam par

har daaġh par ek zaḳhm aayā

qātil ye sikka hai diram par

lo ahl-e-jahāñ naved-e-farhat

maa.il hai dil apnā aḳhz-e-ġham par

kaisī sadā muhīb aa jaa.e

naale gumāñ kareñ vo ham par

'sālik' se liyā hai tum ne dil muft

yaañ aur bhī bechte haiñ kam par

Top Urdushayar.com