zaḳhm dil kā ḳhūñ-chakāñ aisā na thā
ab se pahle jāñ-sitāñ aisā na thā
larza-bar-andām hai qasr-e-yaqīñ
aadmī said-e-gumāñ aisā na thā
phuljhaḌī sī chhūTtī thī rāt-din
shahr-e-jāñ tīra-nishāñ aisā na thā
phuul jo the aarzū ke jal ga.e
sho.ala sho.ala gulistāñ aisā na thā
ziist kī rah meñ balā.eñ thiiñ magar
mere sar par āsmāñ aisā na thā
shāḳh-e-gul thī titliyoñ ke par bhī the
gulshan-e-dil be-amāñ aisā na thā