sukūn-e-dil fanā hai aur maiñ huuñ
ġhamoñ kā qāfila hai aur maiñ huuñ
kahānī kah rahī hai raat apnī
muqābil aa.ina hai aur maiñ huuñ
nisāb-e-gardish-e-shām-o-sahar hai
sar-e-rah hādisa hai aur maiñ huuñ
kahūñ kyā hastī-e-nā-mo.atabar huuñ
tirā hī aasrā hai aur maiñ huuñ
vahī nairañgī-e-rañg-e-zamāna
vahī dil kī sadā hai aur maiñ huuñ
agarche jism rakhtā huuñ maiñ 'ādil'
badan sar se judā hai aur maiñ huuñ