dil pe mushkil hai bahut dil kī kahānī likhnā
jaise bahte hue paanī pe ho paanī likhnā
koī uljhan hī rahī hogī jo vo bhuul gayā
mere hisse meñ koī shaam suhānī likhnā
aate jaate hue mausam se alag rah ke zarā
ab ke ḳhat meñ to koī baat purānī likhnā
kuchh bhī likhne kā hunar tujh ko agar mil jaa.e
ishq ko ashkoñ ke dariyā kī ravānī likhnā
is ishāre ko vo samjhā to magar muddat ba.ad
apne har ḳhat meñ use rāt-kī-rānī likhnā