dil meñ jo zaḳhm hai un ko bhī TaTole koī
ab ye chāhat hai kabhī pyaar se bole koī
dekhnā ye hai ki pighaltā hai kahāñ tak patthar
dil meñ bhaḌkā to gayā pyaar ke sho.ale koī
maiñ ne ḳhaas ashkoñ ko motī kī tarah rakkhā hai
un ko ehsās ke dhāge meñ piro le koī
sher duniyā ke tū kuchh der ko gūñgā ho jā
muuñd kar aañkh zarā der to so le koī
jin se tultā hai zamāne kā ye chāñdī sonā
aise bāToñ se 'kuñvar' pyaar na tole koī