betābiyoñ ko merī baḌhāne lagī havā

ruḳh se naqāb un kā uThāne lagī havā

pahle bhī kar chukī hai mirā āshiyāñ tabāh

tevar phir aaj apne dikhāne lagī havā

un kī talāsh koī bhalā kis tarah kare

naqsh-e-qadam bhī un ke miTāne lagī havā

pūrab se jab chalī to hare zaḳhm ho ga.e

dil meñ ajiib Tiis uThāne lagī huā

lagtā hai ḳhush nahīñ hai ye 'ġhāzī' se in dinoñ

sehn-e-chaman meñ dhuul uḌāne lagī huā