ye zulm hai ḳhayāl se ojhal na kar use

jo hāsil-e-safar hai mo.attal na kar use

vo sho.ala-e-savāl ki duniyā ujaal de

dil ke charāġh meñ to muqaffal na kar use

har shelf par saje haiñ magar dushmanoñ ke sar

nādāñ terā dimāġh hai maqtal na kar use

hairat tirī sarisht hai nā-ras tirī nigāh

vo uqda-e-jamal abhī hal na kar use

ye aur baat ek sitāre se jañg hai

bas jañg hai gihād-e-musalsal na kar use