yaad aatā hai samāñ mujh ko ḳhud-ārā.ī kā
chāñdnī raat meñ aalam tirī añgḌā.ī kā
aa.ina ā.ina-rūyoñ ko ye detā hai sabaq
kuchh samajh buujh ke da.avā karo yaktā.ī kā
aur bhī josh baḌhā ho ga.iiñ maujeñ be-tāb
aks dariyā meñ paḌā jab tirī añgḌā.ī kā
mere dil meñ mirī āñkhoñ meñ haiñ terī shakleñ
zeb detā nahīñ da.avā tujhe yaktā.ī kā
dil huā zer-o-zabar aah bhī ham kar na sake
rah ga.e dekh ke naqsha tirī añgḌā.ī kā