Ahmad Zafar

main yun to nahin hai ki mohabbat mein nahin tha

Ahmad Zafar

Rawalpindi, Punjab, Pakistan

1926-2001

maiñ yuuñ to nahīñ hai ki mohabbat meñ nahīñ thā

albatta kabhī itnī musībat meñ nahīñ thā

asbāb to paidā bhī hue the magar ab ke

us shoḳh se milnā mirī qismat meñ nahīñ thā

tai maiñ ne kiyā din safar jis havas meñ

dekhā to vahī raat dāvat meñ nahīñ thā

ik lahar thī ġhā.eb thī jo tūfān-e-havā se

ik lafz thā jo ḳhat ibārat meñ nahīñ thā

kaifiyateñ saarī thiiñ faqat hijr tak us ke

maiñ sāmne aa kar kisī hālat meñ nahīñ thā

kyā rañg the lahrā.e the jo rāh-ravī meñ

kyā nuur thā jo sham-e-hidāyat meñ nahīñ thā

laġhzish huī kuchh mujh se bhī tuġhyān-e-talab meñ

kuchh vo bhī 'zafar' apnī tabī.at meñ nahīñ thā

Top Urdushayar.com