Dua Ali

dukha hai dil tabhi to mujh pe chhai hai udasi bhi

Dua Ali

Sindh, Pakistan

dukhā hai dil tabhī to mujh pe chhā.ī hai udāsī bhī

mirī palkoñ pe aañsū bhī laboñ par hai ḳhamoshī bhī

judā.ī meñ mire dil suno kyā ho ga.ī hālat

mire dil meñ hai vahshat bhī baḌī hai be-qarārī bhī

mirī āñkhoñ meñ vīrānī mire dil ko pareshānī

kuchh aisī chup huī huuñ maiñ nahīñ hai ḳhud-kalāmī bhī

hameñ to hijr meñ kāTnī hai zindagī ab to

vo aa jaa.e nahīñ ummīd baaqī ab zarā bhī

agarche choT gahrī hai 'duā' phir bhī nahīñ badlī

vahī hañsne aadat bhī vahī hai ḳhush-mizājī bhī

Top Urdushayar.com