ḳhudā se mashvara māñgā hai tere baare meñ
koī ishāra to ab hogā istiḳhāre meñ
ye merī saañs jo chāhe ḳharīd saktā hai
maiñ bhar ke bech rahā huuñ use ġhubāre meñ
jo baat baat pe dīvār rone lagtī hai
kisī kā ḳhuun milāyā hai tū ne gaare meñ
vo ik charāġh jo aayā hai mere hisse meñ
vo jal rahā hai kisī dūsre sitāre meñ
patā nahīñ hai jo ishq-o-havas kā farq tujhe
batā.ūñ sūra-e-yūsuf hai kis sipāre meñ