ye lagtā hai ab bhī kahīñ kuchh bachā hai

tumhārā diyā zaḳhm ab tak harā hai

kaho kaun sī shakl dekhoge ab tum

ye chehra to ik āvran se Dhakā hai

lagā hai zamāna ibādat meñ jis kī

vo rahtā kahāñ hai tumheñ kuchh patā hai

gunāhoñ se tauba karo vaqt rahte

vagarna to dozaḳh kā rasta khulā hai

mohabbat mohabbat mohabbat mohabbat

amaañ yaar chhoḌo ye halkā nasha hai

bhalā.ī karo to mile hai burā.ī

ye qissa mirī zindagī se juḌā hai

ġhalat-fahmiyāñ 'mīt' rakkho na dil meñ

vahī sach nahīñ jitnā tum ne sunā hai