ishq kī itnī baḌhīñ ra.anā.iyāñ
husn ko aane lagīñ añgḌā.iyāñ
ek vo haiñ aur un kī anjuman
ek maiñ huuñ aur mirī tanhā.iyāñ
yuuñ na dekho āriz-e-gul-rañg ko
aa.ine meñ paḌ rahī haiñ jhā.iyāñ
phir ubhar aa.ī haiñ choTeñ ishq kī
phir mohabbat kī chalīñ purvā.iyāñ
is tarah aatī hai dil meñ un kī yaad
duur par jaise paḌīñ parchhā.iyāñ
ibtidā.ī marhale vo ishq ke
haa.e 'shañkar' vo mirī rusvā.iyāñ