merī fariyād suno aao bachā lo mujh ko

apne andar hī phañsā huuñ maiñ nikālo mujh ko

haq-bayānī hai agar jurm to phir ai logoñ

qatl kar do mirā nezoñ pe uchhālo mujh ko

de rahā huuñ maiñ ye taklīf tumheñ āḳhirī baar

apne kāñdhoñ pe mire bachchoñ uThā lo mujh ko

sab ko hāsil nahīñ hotā huuñ maiñ āsānī se

mujh se milne kī hai ḳhvāhish to khañgālo mujh ko

merī tahzīb ye kahtī hai mujhe ro ro kar

maiñ huuñ girtī huī dīvār sambhālo mujh ko