ham tohfe meñ ghaḌiyāñ to de dete haiñ
ik duuje ko vaqt nahīñ de paate haiñ
āñkheñ black-and-white haiñ to phir in meñ kyuuñ
rañg-birañge ḳhvāb kahāñ se aate haiñ
ḳhvāboñ kī miTTī se bane do kūzoñ meñ
do dariyā haiñ aur ikaTThe bahte haiñ
chhoḌo jaao kaun kahāñ kī shahzādī
shahzādī ke haath meñ chhāle hote haiñ
dard ko is se koī farq nahīñ paḌtā
ham be-kār hurūf ulaTte rahte haiñ