charāġh-e-shauq jalā kar kahāñ se jaanā thā
hameñ to ho ke saf-e-dushmanāñ se jaanā thā
ye dil ye shahr-e-vafā kab use pasand aayā
vo be-qarār thā us ko yahāñ se jaanā thā
nazar meñ rakkhā nahīñ ek bhī sitāra tirā
ki ḳhāk-zād the ham āsmāñ se jaanā thā
kisī bahāne sahī zindagī kā qarz utrā
hameñ to vaise bhī ik roz jaañ se jaanā thā
nadī meñ rah ke chaTānoñ se darguzar karnā
ye ham ne fitrat-e-mauj-e-ravāñ se jaanā thā