zahr-e-sā.at hī piyeñ jism tah-e-ḳhāk to ho
sard ā.ankhoñ meñ koī ḳhvāhish-e-nāpāk to ho
ham bhī raushan hoñ utāreñ ye gunāhoñ kā libās
tū baraste hue paanī kī tarah paak to ho
munjamid ḳhuun ragoñ kā hai ise pī jaa.eñ
raat kā zaḳhm-e-siyah-rañg jigar-chāk to ho
jism-e-ḳhākī se bhī tanvīr kā rishta hai zarūr
surḳh sho.aloñ se lipaT jā ḳhas-o-ḳhāshāk to ho
aaj phir zehn kī shāḳhoñ pe haiñ sho.aloñ ke gulāb
chashm-e-sañg un ko bhī dekhe zarā namnāk to ho