tark ulfat meñ bhī us ne ye rivāyat rakkhī
roz milne kī purānī vahī aadat rakkhī
tū gayā hai to palaT kar nahīñ pūchhā maiñ ne
varna barsoñ tirī yādoñ kī amānat rakkhī
kal achānak koī tasvīr banī kāġhaz par
muddatoñ sab se chhupā kar terī sūrat rakkhī
vo muqaddar meñ nahīñ hai to usī ke dil meñ
kis ne har shai se ziyāda chāhat rakkhī
ḳhud hī miltā hai bichhaḌtā hai 'yashab' apne liye
āne-jāne kī ajab us ne suhūlat rakkhī