Qateel Shifai

raste yaad nahin rah-numa yaad nahin

Qateel Shifai

Hazara, Khyber Pakhtunkhwa, Pakistan

1919-2001

rāste yaad nahīñ rāh-numā yaad nahīñ

ab mujhe kuchh tirī galiyoñ ke sivā yaad nahīñ

phir ḳhayāloñ meñ vo biite hue sāvan aa.e

lekin ab tujh ko papīhe sadā yaad nahīñ

ek va.ada thā jo shīshe tarah TuuT gayā

hādisa kab ye huā kaise huā yaad nahīñ

ham diyā karte the aġhyār ko ta.ana jin

ab to ham ko bhī vo ādāb-e-vafā yaad nahīñ

vaz.a-dārī se hai majbūr mirā pyaar 'qatīl'

sab purāne haiñ koī daaġh nayā yaad nahīñ

Top Urdushayar.com