mere jaisā is duniyā meñ ho saktā hai kaun

jaise maiñ ne ḳhud ko Dhoyā Dho saktā hai kaun

dhul jaate haiñ ik din āḳhir jaise bhī hoñ daaġh

man kā mail aur mailī chādar dho saktā hai kaun

puurā chāñd aur jagmag taare yādoñ kī bārāt

is mausam meñ maḳhmal par bhī so saktā hai kaun

ḳhvāboñ kī ik bastī jis meñ sab hoñ ḳhush-auqāt

is bastī ko āsānī se kho saktā hai kaun

miTTī kā paanī se rishta shāyad hai kamzor

varna kisht-e-jāñ meñ kāñTe bo saktā hai kaun