yaar kyuuñ gurezāñ hai sīdhī raah chalne se
manzileñ nahīñ miltīñ rāste badalne se
jo bhī rañg hai terā bas vahī ġhanīmat hai
chehre kab nikharte haiñ muñh pe ḳhaak malne se
tez dhuup meñ aa.ī aisī lahar sardī kī
mom kā har ik putlā bach gayā pighalne se
ban ga.e subūt āḳhir aap apne jurmoñ kā
haath jo mo.attar the phuul ko masalne se
kar sakā hai gadlā kaun raushnī ke chashme ko
chāñd bujh nahīñ jaatā āñdhiyoñ ke chalne se
so ke to gañvā baiThā ratjagoñ kī ra.anā.ī
ab 'qatīl' kyā hāsil tere haath malne se