tū unheñ yaad aa.egī ai jūebār agle baras
ab to lauTegī parindoñ kī qatār agle baras
aur kuchh din us se milne ke liye jaate raho
bastiyāñ bas jā.eñgī dariyā ke paar agle baras
tum to sachche ho magar dil kā bharosa kuchh nahīñ
bujh na jaa.e ye charāġh-e-intizār agle baras
pahle ham pichhlī rutoñ ke dard kā kar leñ hisāb
is baras ke saare zaḳhmoñ kā shumār agle baras
maiñ na.e mausam meñ barg-e-tāza ban kar ā.ūñgā
phir mileñge ai havā-e-shaḳhsār agle baras