ai dīda-e-giryāñ kyā kahiye is pyār-bhare afsāne ko
ik sham.a jalī bujhne ke liye ik phuul khilā murjhāne ko
maiñ apne pyaar kā diip liye āfāq meñ har-sū ghuum gayā
tum duur kahīñ jā pahuñche the ākāsh pe jī bahlāne ko
vo phuul se lamhe bhārī haiñ ab yaad ke nāzuk shānoñ par
jo pyaar se tum ne sauñpe the āġhāz meñ ik dīvāne ko
ik saath fanā ho jaane se ik jashn to barpā hotā hai
yuuñ tanhā jalnā Thiik nahīñ samjhā.e koī parvāne ko
maiñ raat kā bhed to kholūñgā jab niiñd na mujh ko aa.egī
kyuuñ chāñd sitāre aate haiñ har raat mujhe samjhāne ko