Ashk Almas

falak se chandni phir jhankti hai

Ashk Almas

Motihari, Bihar, India

1997

falak se chāñdnī phir jhāñktī hai

zamīñ par tīrgī jab nāchtī hai

sitārā jab bhī TuuTā āsmāñ se

vahī ḳhvāhish dobārā jāgtī hai

banā letī hai zanjīroñ se paa.el

mohabbat raqs karnā jāntī hai

pata hai ki vahāñ paanī nahīñ hai

magar ummīd sahrā chhāntī hai

qazā puurī ho karnī phir kisī

zamīñ mehvar pe aise bhāgtī hai

meñ rāz-e-zindagī kyūñkar batā.ūñ

kahāñ ye nasl kahnā māntī hai

Top Urdushayar.com