pahlū-e-ġhair meñ dukh-dard samone na diyā

dāman-e-vasl meñ ik hijr ne rone na diyā

rañj ye hai ki mirā dard se mahkā huā tiir

us vafā-soz ne pahlū meñ khubūne na diyā

ishq vo sho.ala-e-saffāk hai jis ne mujh par

aag jaarī rakhī aur raakh bhī hone na diyā

tujh ko tā-hijr rahā thā mirī vahshat se gurez

isī vahshat ne tirī yaad ko khone na diyā

sharm aatī hai bahut aisī subuk-doshī par

ishq kā bojh bhī is ziist ne Dhone na diyā