jab mire hoñToñ pe merī tishnagī rah jā.egī
terī āñkhoñ meñ bhī thoḌī sī namī rah jā.egī
sar-phirā jhoñkā havā kā toḌ degā shāḳh ko
phuul banñe kī tamannā meñ kalī rah jā.egī
ḳhatm ho jā.egā jis din bhī tumhārā intizār
ghar ke darvāze pe dastak chīḳhtī rah jā.egī
kyā ḳhabar thī aa.egā ik roz aisā vaqt bhī
merī goyā.ī tirā muñh dekhtī rah jā.egī
vaqt-e-ruḳhsat aa.egā aur ḳhatm hogā ye safar
mere dil kī baat mere dil meñ hī rah jā.egī