kis se bichhḌī kaun milā thā bhuul ga.ī
kaun burā thā kaun thā achchhā bhuul ga.ī
kitnī bāteñ jhūTī thiiñ aur kitnī sach
jitne bhī lafzoñ ko parkhā bhuul ga.ī
chāroñ or the dhundhle dhundhle chehre se
ḳhvāb kī sūrat jo bhī dekhā bhuul ga.ī
suntī rahī maiñ sab ke dukh ḳhāmoshī se
kis kā dukh thā mere jaisā bhuul ga.ī
bhuul ga.ī huuñ kis se merā naata thā
aur ye naata kaise TuuTā bhuul ga.ī