barbād-e-mohabbat kī duā saath liye jā

TuuTā huā iqrār-e-vafā saath liye jā

ik dil thā jo pahle hī tujhe sauñp diyā thā

ye jaan bhī ai jān-e-adā saath liye jā

taptī huī rāhoñ se tujhe aañch na pahuñche

dīvānoñ ke ashkoñ kī ghaTā saath liye jā

shāmil hai mirā ḳhūn-e-jigar terī hinā meñ

ye kam ho to ab ḳhūn-e-vafā saath liye jā

ham jurm-e-mohabbat kī sazā pā.eñge tanhā

jo tujh se huī ho vo ḳhatā saath liye jā