Sajid Akhtar

jaane kya kya main haar baiTha hun

Sajid Akhtar

Kolkata, West Bengal, India

2000

jaane kyā kyā maiñ haar baiThā huuñ

kho ke apnā vaqār baiThā huuñ

milne ā.eñge aaj vo mujh se

is liye be-qarār baiThā huuñ

biphrī maujeñ haiñ phir bhī maiñ yaaro

kar ke dariyā ko paar baiThā huuñ

note-bandī ne aisā maarā hai

saarī daulat maiñ haar baiThā huuñ

aaj tak achchhe din nahīñ aa.e

phir bhī dil tujh pe vaar baiThā huuñ

hasīñ hai to kyā huā jānāñ

maiñ bhī sūrat nikhār baiThā huuñ

tujh se milne aarzū hai tabhī

raah meñ mere yaar baiThā huuñ

taaki maa.il ho bhī merī taraf

le ke maiñ dil meñ pyaar baiThā huuñ

maiñ bhī terī hasīñ nigāhoñ

ho ke hamdam shikār baiThā huuñ

maiñ huuñ 'sājid' sunāoge kyā kyā

sun ke bāteñ hazār baiThā huuñ

Top Urdushayar.com