nit jī hī jī meñ ishq ke sadme uThā.iyo
shikve kī baat muñh pe 'havas' tum na lā.iyo
shauq in dinoñ huā hai use dāstān kā
yaaro koī mirī bhī kahānī sunā.iyo
rahne de merī ḳhaak tū us dar pe ai sabā
musht-e-ġhubār-e-ḳhasta-dilāñ mat uThā.iyo
jī ko yaqīñ hai hashr meñ DhūñDuñgā maiñ tujhe
zālim vahāñ tū mujh se na mukhḌā chupā.iyo
is meñ ziyāñ hai jaan kā suntā hai ai 'havas'
zinhār bār-e-ishq na sar par uThā.iyo