yahī kahtī lailī-e-soḳhta-jāñ nahīñ khātī adab se ḳhudā kī qasam

ġham-e-qais sivā mujhe ġham nahīñ kuchh usī kushta-e-nāz-o-adā kī qasam

kabhī kahtā thā qais ġhazāloñ se jā kaho naaqa yaañ se kidhar ko gayā

kabhī kahtā thā tū hī batā.e sabā tujhe lailā kī zulf-e-dotā kī qasam

tire kushta-e-ġham kā hai haal batar yahī kahiyo jo jaanā ho terā udhar

tujhe qāsid-e-mauj-e-nasīm-e-sahar mirī hijr kī shab kī bukā kī qasam

aa.ī 'havas' mujhe phūloñ kī bū kabhī baiThā na jā ke maiñ bar-lab-e-jū

mirī tañgi-e-dil to ga.ī na kabhū mujhe bāġh-e-jahāñ ke fazā kī qasam