Siraj Lakhnavi

miTa sa harf hun bigDi hui si baat hun main

Siraj Lakhnavi

Lucknow, Uttar pradesh, India

1894-1968

miTā harf huuñ bigḌī huī baat huuñ maiñ

jabīn-e-vaqt pe ik naqsh-e-be-sabāt huuñ maiñ

batā basīt zamāne hai kyā yahī insāf

jo hai adū-e-numūd-e-sahar vo raat huuñ maiñ

gumān ye thā ki huuñ markaz-e-hujūm-e-nigāh

yaqīn ye hai ki mahrūm-e-iltifāt huuñ maiñ

hai kis gunah syāhī mirī ġhalat-fahmī

maiñ jāntā thā ki rūh-e-tajalliyāt huuñ maiñ

har āh-e-sard hai uftād-e-ashk tafsīr

ukhaḌ chale haiñ qadam vaqf-e-hādsāt huuñ maiñ

paḌhūñ shikast-e-azā.em marsiya kab tak

na jaane kab se sipurd-e-muqaddarāt huuñ maiñ

ye sab durust magar phir yahī kahūñgā 'sirāj'

ḳhud ik zamāna huuñ ḳhud ek kā.enāt huuñ maiñ

Top Urdushayar.com