jab fikroñ par bādal se mañDlāte hoñge
insāñ ghaT kar saa.e se rah jaate hoñge
do din ko gulshan pe bahār aane ko hogī
panchhī dil meñ raag sadā ke gaate hoñge
duniyā to sīdhī hai lekin duniyā vaale
jhūTī sachchī kah ke use bahkāte hoñge
yaad aa jaatā hogā koī jab raahī ko
chalte chalte paañv vahīñ ruk jaate hoñge
kalī kalī birhan kī chitā ban jaatī hogī
kaale bādal ghir kar aage lagāte hoñge
dukh meñ kyā karte hoñge daulat ke pujārī
ruup khilaunā toḌ ke man bahlāte hoñge