dil-sahrā ābād bhī karnā paḌtā hai
us zālim ko yaad bhī karnā paḌtā hai
be-maqsad ke shaġhl bhī raas aa jaate haiñ
vaqt kabhī barbād bhī karnā paḌtā hai
arz hī karte rahne meñ ghāTā hai bahut
kabhī kabhī irshād bhī karnā paḌtā hai
jalvoñ ke ḳhush-rañg parindoñ kī ḳhātir
āñkhoñ ko sayyād bhī karnā paḌtā hai
aamad ke qaa.el to ham bhī haiñ lekin
fan-pāra ījād bhī karnā paḌtā hai