thā bām-e-falak ḳhāk-basar aane lagā huuñ
jis samt ishāra thā udhar aane lagā huuñ
jab tak tirī ā.ankhoñ meñ nahīñ thā to nahīñ thā
ab dekhne vāloñ ko nazar aane lagā huuñ
mat kāTnā rasta mirā ban kar ḳhat-e-imkāñ
ai dar-ba-darī lauT ke ghar aane lagā huuñ
ik vahm sahī phir bhī mirī nafi hai dushvār
ai dost har aahaT par agar aane lagā huuñ
allāh-re qismat ki shahāb un kī galī meñ
saa.e kī tarah shām-o-sahar aane lagā huuñ