ga.e haiñ des ko ham apne chhoḌ kar bhī nahīñ
muhājrat ke liye shart ab safar bhī nahīñ
isī jahān meñ rahte haiñ ḳhūb-rū aise
yaqīn mujh ko huā us ko dekh kar bhī nahīñ
mire vajūd meñ ghul-mil ke kar gayā tanhā
vo ek shaḳhs jo aayā kabhī nazar bhī nahīñ
vo ik kitāb ga.ī thī diloñ se tāqoñ par
ab aisī duur huī hai ki taaq par bhī nahīñ
ġham aur ḳhushī nahīñ mauqūf rone hañsne par
aur in havāloñ se iz.hār mo'tabar bhī nahīñ