kaam meñ apne zuhūr-e-haq hai aap
hazrat-e-ādam ke to maañ thī na baap
un ko de kuchh, mat zarāfat un se kar
le na ai nādāñ atītoñ ke sharāp
ham tahī-dastī meñ bhī kuchh kam nahīñ
haath meñ raajā ke ho sone kī chhāp
āh-o-nāle kā samajh Tuk zer-o-bam
saḳht mushkil in suroñ kī hai alaap
har koī chāhegā apnī maġhfirat
hashr meñ sab ko paḌegī āpā-dhāp
'mus.hafī' mat us ke kūche se nikal
jab talak dam hai zamīñ tū vaañ kī naap