ik harf-e-kun meñ jis ne kaun-o-makāñ banāyā
saare jahāñ kā tujh ko ārām-e-jāñ banāyā
bū-e-mohabbat apnī rakkhī ḳhudā ne is meñ
siine meñ aadmī ke dil itr-dāñ banāyā
apnī to is chaman meñ nit umr yūñhī guzrī
yaañ āshiyāñ banāyā vaañ āshiyāñ banāyā
mehnat pe Tuk nazar kar sūratgar-e-azal ne
chālīs din meñ terā mīm-e-dahāñ banāyā
az-bas-ki is safar meñ manzil ko ham na pahuñche
āvārgī ne ham ko reg-e-ravāñ banāyā
maġhrūr kyuuñ na hove san.at par apnī saan.e
kis vāste jab us ne ye gulistāñ banāyā
ḳhūn-e-jigar se mere gul kī shabīh khīñchī
naale ko mere le kar sarv-e-ravāñ banāyā
aatā hai 'mus.hafī' tū ye kis ke zaḳhm khaa.e
tīr-e-jafā kā kis ne tujh ko nishāñ banāyā
sau TukḌe hai garebāñ dāman lahū meñ tar hai
ye rañg tū ne zālim apnā kahāñ banāyā