shab ham ko jo us kī dhun rahī hai
kyā jī meñ udheḌ-bun rahī hai
majnūñ se kaho ki ''māñ ke lailā
ḳhātir tirī ta.ane sun rahī hai''
parvāna to jal chukā vale sham.a
sar apnā hanūz dhun rahī hai
pahlū se uThā mire na ġhabġhab
ye poTlī dard chun rahī hai
ye aah pe laḳht-e-dil jale haiñ
yā sīḳh-kabāb bhun rahī hai
rakkhūñ na aziiz dāġh-e-dil ko
paas apne yahī to hun rahī hai
ai meñh na baras ki 'mus.hafī' kī
chhat ghar kī tamām ghun rahī hai