pahle to aatī thiiñ ii.deñ bhī tumhāre aa.e
ḳhairiyat ab ke tum aa.e to akele aa.e
terī be-sāḳhta hairānī kahāñ hai ai dost
ham to ātish kahīñ īñdhan ke evaz de aa.e
ab to rahzan hī koī roke to mālūm paḌe
rahnumā kaise ujāḌoñ meñ hameñ le aa.e
ham to yak-rañg ujāle se hī mas.hūr rahe
raushnī tujh meñ ye sat-rañg kahāñ se aa.e
ham ne bechī thiiñ jahāñ nīndeñ usī manDī se
terī āñkhoñ ke liye ḳhvāb suhāne aa.e