vo shaḳhs jis ne ḳhud apnā lahū piyā hogā
jiyā to hogā magar kas tarah jiyā hogā
tumhāre shahr meñ aane kī jis ko hasrat thī
tumhāre shahr meñ aa kar vo ro paḌā hogā
kisī kī yaad kī aahaT sī hai dar-e-dil par
kisī ne aaj mirā naam le liyā hogā
vo ajnabī tirī bāñhoñ meñ jo rahā shab bhar
kise ḳhabar ki vo din bhar kahāñ rahā hogā
tumhāre sehn-e-chaman meñ khilā huā ġhuncha
kise ḳhabar mirī qismat pe hañs rahā hogā