kyuuñ ai ġham-e-firāq ye kyā baat ho ga.ī
ham intizār-e-sub.h meñ the raat ho ga.ī
bahke hue bhaTakte hue kārvāñ kī ḳhair
rahbar se rāhzan kī mulāqāt ho ga.ī
dīvāngī kī ḳhair na māñgeñ to kyā kareñ
dīvāngī hī rāz-e-ināyāt ho ga.ī
sīnoñ meñ soz-o-sāz-e-mohabbat nahīñ rahā
duniyā rahīn-e-gardish-e-hālāt ho ga.ī
lo Dūbtoñ ne dekh liyā nāḳhudā ko aaj
taqrīb kuchh to bahr-e-mulāqāt ho ga.ī