ghar ġhair ke jo yaar mirā raat se gayā
jī siine se nikal gayā dil haat se gayā
maiñ jaan se gayā tirī ḳhātir va-lek haif
tū mujh se zāhirī bhī mudārāt se gayā
yā saal o maah thā tū mire saath yā to ab
barsoñ meñ ek din kī mulāqāt se gayā
dekhā jo baat karte tujhe raat ġhair se
dil merā haath setī isī baat se gayā
us rashk-e-mah kī bazm meñ jaate hī 'āftāb'
dil sā rafīq merā mire saat se gayā