hisār ke sabhī nizām gard gard ho ga.e

ham apne apne jism meñ ḳhalā-navard ho ga.e

ravāniyāñ sifar huiiñ masāfateñ khañDar huiiñ

najāt ke tamām shāhkār sard ho ga.e

havā-e-jāñ kā kyā miyāñ uThā ga.ī uḌā ga.ī

jame na the badan meñ ham ki phir se gard ho ga.e

ibāratoñ meñ aa basī ajiib rut sukūt kī

qalam kī shāḳh ke tamām barg zard ho ga.e

na pūchh ham se kyā huā hayāt kā 'riyāz' kā

davām chhū gayā unheñ to kard kard ho ga.e