Tanha Timmapuri

jism ke andar sisakta kaun hai

Tanha Timmapuri

jism ke andar sisaktā kaun hai

aise vīrāne meñ bastā kaun hai

ye ThiThurtī raat barfīlā samāñ

giilī āñkhoñ meñ utartā kaun hai

ḳhauf miTne nahīñ hai dosto

ye batā denā ki miTtā kaun hai

raam ban-bās kuchh mushkil nahīñ

sirf ik mushkil hai siitā kaun hai

shahr saarā jal gayā ab sochiye

shahr ke naqshe badaltā kaun hai

mujh ko apnoñ se akasr Dar lagā

jaane in apnoñ meñ Dastā kaun hai

Top Urdushayar.com