jab ki zulf us kī gale khā bal paḌī
lashkar-e-ushshāq meñ halchal paḌī
chitvanoñ nīche kise aañkh aap kī
taktī hai palkoñ ke yuuñ ojhal paḌī
aah kaalī raat hijrāñ kī phañsī
kartī hai kākul hī meñ kal kal paḌī
kal jo mad.h o zam thī sāñch aur jhuuT kī
vo phabī ham par ye tum par Dhal paḌī
sho.ala-ḳhūī soch terī aaj tak
paktī hai chhātī mirī khal khal paḌī
aah bas siine meñ vo rusvā na kar
sham.a-sāñ fānūs meñ ab jal paḌī
dostī us ne jo mujh se garm kī
dushmanoñ ko 'azfarī' kuchh jhal paḌī